برنامجنا باول يوم عيد

تابع يوم الثلاثاء 16-11-2010. . .

خلصت صلاة العيد. . .

ردينا بيتنا. . . تريقنا ريوق العيد. . . بعدها بدلنا و كشخنا و رحنا بيت الجدة الحنونة. . .صج ان مو كل اللي يو أعرفهم بس جدا استمتعت باليمعة. . .
أحلى شيء بالدنيا لما الانسان يكون عنده أهل يقدر يتصرف معاهم بطبيعية و بدون أي تكلف. . . الحمد لله لك يا رب على هذه النعمة العظيمة. . .

صارت الساعة 1:30 تقريبا. . . وصار وقت الغدا. . .عندنا طقوس بعايلتنا ان بالعيد لازم أكو بدلة للغدا. . . مو ضروري تكون يديدة بس لازم نلبس شيء غير بدلة العيد. . . بسم الله بدينا غدا. . . أحلى غدا. . . مكبوس لحم مال يدة. . . الحمد لله على النعمة. . . حدا كان عجيييييب. . .

خلصنا غدا. . . وصار وقت الجاي والتسدح. . .بس ما مدانا بس إذن العصر صلينا وردينا كشخنا عشان نستقبل المهنيئن بالعيد. . .

صارت الساعة 4:30. . .لازم أروح الشفت الثاني. . . بيت يدتي الثانية - الله يحفظها-. . .رحت و دخلت. . . سلمت على أهلي وباركتلهم بالعيد. . . إذن المغرب. . . صلينا. . . و بدوا الناس أييون يبون يباركون حق يدتي. . .أول اللي دخلوا كانوا كلهم محارمنا. . . و حريمهم. . . بعدها للأسف بدوا يدخلون ناس ما يعتبرون محارمي. . . بس محارم يدتي. . . جدا استاءت من الوضع. . . وحسيت بالحرج حيييل. . . بس مادري شنو لازم إسوي. . .

أنزين أكو دوانية رياييل برة. . . ليش ما يروحون؟!

قعدت وطول الوقت أنا منحرجة. . . ومن صج مادري شنو أسوي. . . المشكلة انهم ما قعدوا دقيقة أو عشر. . . للأسف قعدوا ساعة كاملة. . .

أتمنى مرة ثانية يا ان يقعدون بالديوانية أو أنهم يسلمون ويطلعون. . .

خلصت الزوارة و خديت أخواني طلبنا عشا وردينا بيتنا. . .


للأسف هالعيد نسينا شيء. . .
كل عيد متعودين ان يدتي تذكرنا بالتبرع للفقراء. . .فكل واحد فينا يتصدق بالمبلغ اللي يقدر عليه. . .
بس للأسف اليوم نست. . .
بس ان شاء الله غدا راح أذكرها. . .

الحمد لله عيدي كان صج سعيد. . .


« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/

عيدنا السعيييييييييد

يوم الثلاثاء 16-11-2010. . .

برنامجي بالعيد،،

قمت الساعة 5 الفجر،، صليت صلاة الفجر + سنتها. . . بعدها رحت قعدت أخواني لبسوا للصلاة و طلعنا. . .
هالمره الحمد لله رحنا مبكر حيل. . .

وصلت المصلى. . . قعدت و قعدت أشوف فرحة الناس بالعيد. . . اللي يسلم واللي يبارك واللي يسأل عن الحال. . .

الحمد لله الكل كان فرحان بقدوم العيد. . .

بدت الصلاة و كبر الامام. . .

الله أكبر. . .

و سكتوا الناس. . .

هدوء عجييييب. . .

و يكبر مرة ثانية. . .

الله أكبر. . .

وكل ما يقول الامام الله أكبر أييلي شعور ان أنا لو شنو يصيرلي بالدنيا راح أكون سعيدة. . . ليش؟!
لأن اللي كاتبلي شلون راح تصير حياتي هو العظيم. . .

خلصت الصلاة. . .

بدأ الخطبة. . .

قال وأيد أشياء. . .

بس أكثر شيء حبيتة لما شرح الفرق بين عيد المسلمين و عيد غيرهم. . .

عيد المسلمين - الأضحى - الاصل فيه التكبير. . .

الله أكبر الله أكبر الله أكبر. . . لا اله إلا الله. . .الله أكبر الله أكبر. . . ولله الحمد. . .

وقعد يشرح كلمة الله أكبر. . .

وبدأ يكبر. . .
وبكل تكبيرة. . . أحس ان أنا أسعد انسانه لأن ربي عظيم. . . و ربي ما راح ينساني. . .

الله أكبر. . .
أكبر من همي. . .
أكبر من اللي يظلمني. . .
تكبر من اللي حاول يطلع عني كلام. . .
أكبر من كل شيء. . .

الله أكبر. . .

الله أكبر. . .

الله أكبر. . .

لا إله إلا الله. . .

الله أكبر. . .

الله أكبر. . .

ولله الحمد. . .

شنو سويت بعد الصلاة راح أدزه بالبرودكاست الياي. . .


« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/

اقوى فيلم عن الاختراعات الاسلامية

يوم السبت 13-11-2010. . .

أقوى فيلم عن الاختراعات الإسلامية شفته بحياتي. . .
((
بس سؤال؟!


تتوقعون العرب مسوينه؟!

للأسف لا. . .

هذا الفيلم سووه البريطانيين في لندن بمناسبة معرض ألف اختراع واختراع. . .


حاولت أمسك نفسي و ما ابكي وأنا أشوفة. . .

كنت أفكر بشيئين. . .

1- شلون انتكسنا. . . من كنا صناع الحضارات. . . إلى واقعنا الأليم الحين. . .
2- ليش مو احنا سوينا هالفيلم اللي يوضح للعالم ان كل الاختراعات أساسها إسلامي. . .

أخليكم مع الفيلم. . .

http://www.youtube.com/watch?v=agj3CBFP3HM&feature=player_embedded


شكرا أمون على الفيلم. . .

سؤال:
ليش ما نبدي نسوي أشياء عجيبة. . . مفيدة. . . و مبتكرة؟!
ليش لازم نقلد؟!

« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/

قوانين يديدة للسوق

آخر شيء ليوم الجمعة 12-11-2010. . .

اليوم واحنا بالسوق. . . حسيت شوي بالحزن وأنا أشوف الناس. . .

حبيباتنا الغاليات. . .
أكو فرق بين لما نكون بمكان فيه شباب و لما نكون بس بنات بروحنا. . .
وهالكلام هم ينطبق على الشباب. . . أكو فرق بين لما تكونون بمكان عام ولما تكونون قاعدين شباب بروحكم. . .

• بالنسبة للبنات;;) :
1- لازم الملابس تكون ساترة للجسم كله ولا تفصل شيء منه. .+ وما يكون بها [ زينة ] أو عطر + مو كل شيء الناس يلبسونه احنا نقلدهم، بل شرفنا باتباع الدين . .
2- No MaKe-uP. . .
3- الصوت ما يعلى جدام الشباب. . .
4- تبون تضحكون على عيني وعلى رأسي بس لما تكونون بروحكم. . .
5- غض البصر. . . شنو يعني يعني بس حاولوا تنزلون عينكم. . .
6- حاولوا ان ما تلبسون كعب و إذا كنتي لازم تلبسينه. . . على الأقل حطيله الربل عشان ما يطلع صوت. . .
و أخيرا حافظي على نفسك. . .

بناتنا. . . أحبكم كلكم. . .
[ واللي تبـي تسأل عن شيء حاضرين لافادتها ] ;)

• الحين نيي للشباب: (( أي نعم حتى أنتو ))
1- اللبس. . . نتمنى ان تلبسون ملابس تريحكم :
بس ما فيها رسومات أو كلام غلط . . + وياليت تكون ساتره مو نص ازارير البدلة مفتحة .
» ولو سمحتوا حاولوا ان تطلعون بمنظر عربي (( مو شرط دشداشة. . . بس على الأقل اللي يشوفكم يقول أنكم عرب مسلمين ))

2- التدخين ممنوع منعا باتا بالسوق. . . نتمنى تحترمون هالشي. . . لأن صج وأيد تضايق ريحة الدخان. . .

3- ما شاء الله صوت الرجل بدون شيء عالي. . . فحاولوا ان ما تشتطون وأيد بالكلام، فمو زين يكون كلام الرجل عالي كأنه [ صراخ ] في مكان عام، لأن هذا فيه أذيه للغير وازعاج لهم .

4- آخر نقطة للاقلية القليلة من الشباب. . . للي يتحرشون بالبنات، ويطالعون فيهم وما يغضون . . نتمنى ان توقفون هالحركات. . . لأن جدا تضايق اللي جدامكم. . . + حيل راح تطيحون من عين الناس. . .+ وقبل كل شيء [حرام]


الله يحفظنا و يحفظكم. . .

لاتنسون أذكار الصباح. . .

« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/

حمدا لك الهي,, على احلى صحبة

تابع يوم الجمعة 12-11-2010. . .

اليوم طلعتي العجيبة مع رفيجاتي. . .
رحنا اليوم 360 قعدنا ندور ملابس للعيد. . .

صج اين للأسف ما لقيت بس الحمد لله على كل حال. . .

أهم شيء اني استمتعت بالطلعة مع رفيجاتي. . .

قعدنا ندور بالمحلات. . . وحوسة من محل إلى محل. . . وندور و ندور و ندور. . .

بعدها تعبنا و يعنا. . . و قررنا أخيرا بعد وقت طويل ان نروح نتغدى. . .

طبعا كانوا شوي و يتذابحون على أي مطعم نروح. . . كل وحده مشتهية شيء. . . بس الحمد لله آخر شيء اتفقوا. . .

رحنا مطعم اسمه
(( ITaLiaNo ))
على ما أظن. . . طلبنا و قعدنا ننتظر الأكل اللذيذ. . .
وحده من صديقاتي قررت أنها تبي تعيشنا بجو أيام ذي الحجة. . . فوحنا قاعدين ننطر حطتلنا التكبير. . . بس ما علتا وأيد. . . بس عشان احنا نسمع. . .استأنست وأيد من اللي سوته. . . وصج تمنيت ان يحطون التكبير بالسوق بدال الأغاني. . .

خلصنا من السوق. . . دقت علينا وحده من صديقاتنا و طلبت ان نوديها الطبيب لأنها تعبانه. . .فمريناها و رحنا مستشفى البحر مال العيون. . .
الطابور اللي جدامنا كان طويل. . . سولفنا وشفنا صورنا القديمة. . . و ضحكنا. . .

بس أكو شيء تعلمته من صديقتي. . . كانت كله تقول لنا ان أي مجلس يقعد فيه الانسان و ما يذكر فيه الله سبحانه و تعالى فراح يتحسف عليه يوم القيامة. . . من بعد كلامها كان قراري ان ما اقعد بمكان إلا لازم أقول شيء مفيد. . .

فتتوقعون عن شنو تكلمنا؟!

قعدنا نتكلم عن فضل الدعاء و وأيد أشياء مفيده. . .

بعدها ردينا بسلام إلى بيوتنا. . .


صديقاتي:
أحب الصالحين ولست منهم. . .
وأرجو ان انـال بهم شـــفاعة. . .
واكره من تجارته المعــاصي. . .
ولو كــــنا سـواء بالبضــــاعة. . .


« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/

يا الهي,, قمته

يوم الجمعة 12-11-2010. . .
وأيد أشياء اليوم صارتلي. . . فراح اكتبها بأكثر من بروكداست. . .
اليوم الصبح سويت شيء سخيف وبعدها حسيت بتأنيب الضمير. . .
طلعت بعد صلاة الظهر من بيتنا ورحت مريت رفيجاتي عشان نروح السوق نشتري للعيد. . .

طلعت وطول الطريق وأنا ما أدري شنو أسوي. . . حيل كنت متضايقة. . .شنو أسوي شنو أسوي؟!

قعدت أحوس بالسيارة أشوف الشارع و أدقق بالشبات. . . و أطالع الناس قاعدة أحاول أنسى. . .
بس ولا شيء من هذه الأشياء خلاني أنسى. . .

قعدت أفكر شنو أسوي شنو أسوي؟!

قلت بسمع أناشيد. . . قعدت أسمع حسيت ما تحسنت نفسيتي. . .

فتحت اذاعة القرآن الكريم. . .
سمعت القرآن. . .


وأخيرا. . .


هذا اللي أبيه. . .

ارتحت. . .


حسيت ان - سبحان الله- في شيء (( فراغ )) بكل انسان،، ما يسده إلا قراءة أو سماع القرآن الكريم. . .

الحمد لله الحمد لله الحمد لله. . . الحمد لله اللي على هذه النعمة. . . نعمة القرآن. . .


قصتي
بالسوق راح أدزها بالبرودكاست الياي. . .

« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/

الله اكبر الله اكبر الله اكبر

يوم الاثنين 08-11-2010. . .

اليوم قمت الصبح مبكر. . . لأن وراي امتحان. . .قمت صليت الفجر درست شوي. . . بعدها قررت اطلع مبكر أروح دوامي المستشفى وأدرس هناك. . .
طلعت من بيتنا. . . الجو كان حدا عجيييييييييييب. . . حطيت أناشيد و قعدت أسمع. . . و سرحت. . .قعدت أفكر بالامتحان. . . و بالكلية. . . و بقائمتنا الحلوة. . . تذكرت رفيجتي. . .قعدت أذكر آخر خاطرة قالتها. . . كانت عجييييبة. . .
Guess 3n shno?!
كانت عن ذي الحجة. . . بعدين فجأة حسييت بسعادة كبيرة. . . وقعدت أردد: الحمد لله ربي بلغني هذه الأيام. . .قررت ان هالسنة راح تكون غير. . . أبي استغل هذه الأيام اللي الله سبحانه يحبها. . .
شنو تسوي شنو أسوي؟!

تذكرت شيء. . .
كانوا دازيلي ان في هذه الأيام يستحب التكبير. . .

فبديت أردد وأنا بالسيارة:
(( الله أكبر الله أكبر الله أكبر. . . لا إله إلا الله. . . الله أكبر الله أكبر. . . و لله الحمد. . . ))

شعور عجيييب يالي وأنا أكبر. . .
و أعيدها. . .

الله أكبر. . .

و يزداد هذا الشعور العجيييييب. . .

الله أكبر. . .

و يزيييد. . .

الله أكبر. . .

حسيت ان لا يمكن أحد يكون أسعد مني في هذه. اللحظة. . .

وصلت المستشفى. . . وسويت اللي أقدر عليه. . . حاولت كثر ما أقدر ان أعطي كل مريض حقة من الاهتمام و الرعاية. . .

بعد شنو أقدر أسوي؟!

اليوم امتحان. . .
اللي أقدر أساعده ساعدته. . .

بعد؟!

صلاة. . . الحمد لله صليت. . .

بعد؟!

أحلى شعور لما اطلع من كل امتحان. . . و أحس بالفخر و السعادة. . .
وأنا أقول: الحمد لله يا رب ما غشيت. . .

يوم متعت. . .

شدوا حيلكم بالطاعات. . .و استغلوا كل لحظة. . .
وكلنا خنحاول ان في هذه الأيام كله نردد:
(( الله أكبر الله أكبر الله أكبر. . . لا إله إلا الله. . . الله أكبر الله أكبر. . . ولله الحمد. . . ))


« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/

احب الايام الي والى الله

يوم السبت 6-11-2010. . .

غدا أول أيام ذي الحجة. . .

شنو المميز فيها؟!

أنها الله سبحانه وتعالى يحب الأعمال الصالحة اللي يسويها المسلم في العشر الأوائل من ذي الحجة. . .

شنو أعمال صالحة نقدر نسويها؟!
- التوبة. . . شنو يعني؟! يعني اني اطلب من الله سبحانه ان يغفرلي ذنبي اللي سويته + ما أعيد حق هالذنب. . .
- الصيام (( لأن الله سبحانه يجازي فيه )) + شيء وايد عجييييب ان ان شاء الله ما راح يكون متعب لأن بسرعة ياذن المغرب. . .
- التكبير و التهليل. . .
- الدعاء. . . باللي تبونه. . . (( و لا تنسوني من دعائكم ))
- الصدقة. . . (( لو 100 فلس حق المحتاج )) + حلو ان تسالون الجهات الخيرية عن مشاريع كسوة العيد عشان ندخل السرور على قلب المحتاج و نحسسه بالعيد. . .
- صلاة سنن. . .
- ابتسامة + كلمة طيبة. . .
- قيام الليل + الشفع والوتر. . .


1000000000 شيء نقدر نسوي. . .

استغلوا كل لحظة. . . ولاتضيعون ولا ثانية. . .


« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/

Note mn Mr.LaiSH

يوم الخميس 04-11-2010. . .

آخر محاضرة خلصت @ 3:30. . . قبل لا يختم الدكتور قالنا. . .
(( كلامه كان بال انجليزي بس أنا بترجمه. . . ))

بس قبل لا أختم بقولكم كلمة. . .
أنتو كلكم بحسبة بناتي و صبياني. . .
اللي قاعد الاحظة ان أغلبكم قاعد يدرس عشان يتخرج. . . فدراسة أغلبكم تكون قبل الامتحان بيوم أو يومين. . . الملاحظ ان أغلبكم يبي بس يخلص دراسة و بعد الامتحان ينسى كل شيء. . . وهذا غلط. . .
لازم تستمتعون بتخصصكم. . .

بعدين قالنا قصته. . . يقول
(( أنا أول وظيفة اشتغلتها كانت بالمكتبة. . . أسجل الكتب اللي يبونها. . . بس ما حبيت هذه الشعلة فبعد 6 أشهر استقلت و قررت أروح مكان ثاني. . .رحت و صرت سائق قطار. . . أروح وأرجع أوصل الناس. . . بعد 3 أشهر حسيت ان مو هذه الشغلة اللي أبيها. . .لأن احتكاكي مع الناس بسيط. . . فاستقلت. . . ورحت قدمت على جامعة طبية. . . قسم الأشعة. . . حسيت اين حبيت هذه الشغلة بس بعد مو هذا كان مكاني. . . درست الفيزياء مالت الأشعة و درست السونار ودرست الحماية من الأشعة. . . كنت مستمتع حيل فيهم بس هم مو هذا إلي كنت أبية. . .بعدها قررت اين أصير دكتور و أدرس بالجامعة. . . وحشيت ان هذا المكان اللي أبيه. . . وكلكم تلاحظون شكثر أنا استمتع بالتدريس لأن هذا مكاني. . .
فاتمنى من الكل ان يدرس مو بس عشان يخلص. . . درسوا باستمتاع و أخذوا المعلومات و خلوها بمخكم لاتمسحونها بعد الامتحان. . . استمتعوا وراح تشوفون شكثر راح تبدعون بتخصصكم. . . ))

شكرا دكتورنا العجيييييب. . .

ترى كلامه صح. . . شلون نبي نرقى بمستوانا و نغير إذا مو قاعدين نستمتع بالدراسة. . .

خلنا نغير كلنا. . . خلونا ندرس و نحاول كل شيء نطبقة على يومنا. . .

عشان الكويـــــــــــــــــت. . . عشان وطنا. . .


« MY SeNiOR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
 

رسالة الى مدخنيننا الافاضل

يوم الأربعاء 3-11-2010. . .

مثل ما يقولون. . .
(( ان كنت لا تدري فتلك مصيبة. . .
و ان كنت تدري فالمصيبة أعظم. . . ))

شنو هالمصيبة أنا أقولكم. . .

هالسنة لازم نسوي بحث تخرج. . . فاخترنا ان بحثنا يكون عن تأثير الشيشة على الأعصاب و الدم و النفسية. . . المهم أنا كنت طول الوقت أحاتي من وين نلقى ناس تشرب شيشية. . . بس اللي صدمني ان الدكتور قال: (( أنا أقدر أييبلكم كل اللي تحتاجونهم من اللي يشربون شيشة وأغلبهم من شباب كليتنا ))
بس المضحك بالموضوع ان الدكتور متأزم. . . يقول (( الحين المشكلة من وين أقدر القالكم شباب ما يدخنون. . . ))
طبعا أنا حدي انصدمت. . .يمكن كلامه فيه نوع من المبالغة. . . بس أحس لما قعدت تفكر فيها ان صح. . .لأن للأسف فيه نسبة كبيرة للأسف من شباب كليتنآ + الطب يدخون. . .
اللي أعرفة ان المفروض أقل ناس يدخنون إهما الدكاترة لأنهم أكثر ناس معرفتا بأضرار التدخين. . .
بس للأسف نشوف ان الواقع يبين ان نسبة كبيرة من الدكآترة يدخنون .


السبب؟!

لاسف ما عندي فكرة. . .

نخلي الدكاترة بصوب. . .

شنو هالهبة المؤ طبيعية اللي حايشة الشباب؟! ليس الغالبية بدت تدخن؟!

سؤال!!

تحس نفسك ريال؟!

أنا أعطيك إياها من الآخر. . .
إذا تبي زقارة وما لقيتها!!

شنو يصير فيك؟!

الريال الضجي ريال بنفسه ما يخش نفسه وراء الزقارة و يطلع الرجولة فيها. . .


سبب ثاني؟!
تحس أنها تعدل مزاجك؟!


مو صحيح. . .

(( هذه مجرد سموم جسمك تعود عليها و ادمن ))
فاهيا ما تعدل مزاجك. . .


نتمنى من شبابنا شباب المستقبل ان تفكرون بجدية ان تقطعون التدخين والشيشة . . . لأنهآ تحرق زهرة شبابكمـ. . . ، وتدمر صحتكمـ ومستقبلكم



« MY SeNiOR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
 

اتيت اليك

يوم الثلاثاء 2-11-2010. . .

حلو ان الانسان يكون عندا مبادئ يمشي عليها. . . و يرفض ان يناقضها. . .والاحلى لما الانسان يدافع عن هذه المبادئ حتى لو كل الناس كانت ضده (( ما دام انه على حق )). . .

عندي مبادئ أرفض اين أتعداها. . . واذافع عنها بكل ما أقدر. . .

بعض الناس يقولون معقدة. . . بس لي حكى الشرع. . . الكل يأكل هوى. . .

اليوم وللأسف الشديد خالفت أحد مبادئي. . . ليش؟!
ما عندي إجابة. . . و ما عندي عذر. . .

بس حاليا حاسة بتأنيب ضمير. . . أتمنى ان ينعاد الوقت و ما أسوي الحركة البايخة اللي سويتها. . .

بس الحمد لله ربنا كريم. . .
ومع القمته اللي أعيشها. . . ماكو إلا


(( قران و قيام ليل ))

ربي هو الوحيد اللي ما راح يردني. . . بشكيلة و بشكيلة. . . و بطلب عفوه و هدايته. . .

كلمة أخيرة:

كل أحد حس ان أخطأ بشي لو صغير اليوم سواء بحق الناس أو بحق رب الناس. . . يقوم يتوضى ويصلي ركعتين قبل لا ينام. . .إذا أخطأتوا بحق أي انسان أدعوله بالهداية و العفو. . . وإذا أخطأتوا بحق الله سبحانه فاستغفروا و توبوا و أدعوا. . .


ولا تنسوني من دعائكم. . .
« MY SeNiOR YeaR »
21F5D591
مذكرات طالبة خريجة. . . B)
قروب للكويتيين فقط. . . :$


NoTe:
بس كنت بوضح شغلة. . . ترى الشي اللي سويته مو شيء وايد كبير. . .بس أنا بالنسبة لي لأنه خالف أحد مبادئي فجدا اثر فيني و حسسني بتأنيب الضمير. . .

أتمنى محد يكون فهم غلط أو راح مخه بعيد. . .

شكرا. . .
 

عبقرية

يوم إلاثنين 1-11-2010. . .

Pleurisy
Anthracosis
Osteogenic sarcomas
Osteochondromas
Idiopathic chronic adhesive capsulitis
Ewing's sacroma
Legg-calne-perthes disease
Slipped capital femoral epiphysis
Facet-unilateral subuxations and bilateral locks
Spondyloisthesis
Le fort

كلمات مثل هذه تحسسني بالعبقرية. . . حتى لو انطقها ببدليات. . . و حتى لو ما أعرف معناتها. . .

مع ان تخصصي صعب إلا أني (( ولله الحمد )) مستمتعة جدا فيه. . . - هذا من فضل ربي -



اول امتحان ميد ترم غدا ان شاء الله. . .

أدعولي. . .

وقبل كل امتحان لازم:
(( ثقة بالله و توكل. . . ))


« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$

Professional

يوم الاحد 31-10-2010. . .

دوام الميداني. . .

مستشفى جديد. . . نظام جديد. . . سياسات جديدة. . .

اليوم كان الدوام وأيد زحمة. . . وأيد مرضى. . . شغل وأيد. . . بس الصراحة اليوم جدا استمتعت بالشغل. . .

أحلى شيء لما أخلص من حالة. . . والمريض يدعيلي. . . شعور خيالي. . .

حلو لما نعامل المرضى باحترام و رفق. . .

باعتقادي المتواضع. . . لازم كل الناس اللي يشتغلون بالمجال الطبي ان تكون فيهم صفات منها:
1- الحفاظ على خصوصيات المريض. . .
2- التعامل باحترام مع المريض. . .
3- اعطاء كل مريض حقة من الوقت للعلاج و التشخيص. . .
4- السلام والابتسامة. . .
5- ما يدخل مشاكلة الخاصة بالعمل. . . يعني مو لاني مضايقة من شيء اطلعه كله على المريض. . .
6- عدم كشف عورة المريض (( إلا لحاجة مثل العلاج أو التشخيص. . . و إذا كشفوا فيكشفون الجزء المطلوب فقط )). . .
7- علاج الصديق والعدو. . .

و أخيرا و ليس آخر دكاترتنا الأفاضل. . .بس للمعلومة. . . مو كل مرض علاجه بنادول. . .


« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
 

ولهت علييييك

يوم السبت 30-10-2010. . .

يوم طويل بالكلية. . . استعداد للامتحانات. . . دراسة. . . بدين و ناسة. . . بعدين دراسة. . . بعدين أكل. . . بعدها دراسة. . . واللي بعدها دراسة. . .

صارلي اسبوعين وأنا مريضة. . .
من شنو مريضة؟!

مريضة من المستشفى. . . (( من المرضى والأمراض اللي قاعد أواجهها كل يوم )). . .للأسف المرضى وأيد قاعدين ياثرون علي. . .كطالبة في المجال الطبي المفروض أفصل بين المرضى و نفسي. . . بس للأسف لما الحين مو قادرة. . .

كل يوم أخلص دوام الصبح مستشفى بعدها أروح الكلية محاضرات بعدها شغل لجمعيتنا الحلوة. . . بعدها أرد البيت أسوي واجياتي و أدرس. . . يومي وأيد حافل. . . و ما عندي وقت حق شيء. . .


اليوم رديت من الكلية. . . رحت غرفتي. . .كنت قاعدة أدور موزع كهرباء. . . دورت على الأرض و لما رفعت رأسي. . .

شفته. . .

غورقت عيني. . .

و دمعت. . .

معقولة كل هالوقت و أنا هاملتك؟!

أي مشكلة تصيرلي أروح حق أمي و رفيجتي؟!

مسكته. . .

و بديت أقلب صفحاته. . .

ولهانة عليه. . .

(( مصحفي الحنون ))

مسكته. . . و وعدت نفسي ان ما راح أخليه. . .

راح أبدي هالاسبوع و ان شاء الله راح استمر. . .

مصحفي راح يكون صديقي. . . أي مشكلة تصيرلي أول شيء راح أسويه أني راح اقرأ من القرآن. . .

قراءة قران + دعاء. . .
(( هالاشياء ما راح اتخلى عنها ))

شكرا الهي. . .


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$