يوم الأحد 16-1-2011. . .
شيء كانت كله أمي تقولي إياه. . .
إذا شفتي شيء عند الناس وعجبك قولي
[ اللهم بارك لهم فيما رزقتهم وارزقني حظا مثل حظهم ]أو
[ ما شاء الله. . . تبارك الرحمن. . . ]
ربي سبحانه قسم الرزق بينا. . .
ومو كل شيء أنا أتمناه عندي. . .
في بعض الأشياء أنا أتمناها بس ربي رزقها غيري. . .
بس أنا صج أبيها!!
لأني - أظن - ان فيها خير لي. . .
مثل سيارة معينة أو موبايل أو سفرة أو كلية أو أي شيء بالدنيا. . .
بس مو قادرة أحصلها. . .
الشي الوحيد إليي أقدر أسويه بهالحاله اني ادعي ربي سبحانه ان يرزقني الشي الفلاني [ إذا كان فيه الخير لي ]. . .
أنزين مثلا أنا قاعده أتعامل مع وحده وربي رازقها كل شيء أنا أبيه. . . شنو أسوي؟!
اصكها عين أو أحسدها؟!
لا لا لا. . . هذا غلط. . .
الشي اللي المفروض ان ادعيلها ان الله يباركلها بهالرزق. . . ويسعدها ويعطيها كل خير. . .
ولازم نوقف ان نقارن نفسنا بغيرنا. . .
أنا سعيدة لأني أنا . . .
حتى لو صارتلي مشاكل و نعفست حياتي. . . فهي فترة وراح تعدي. . .
وكلا حطوا ببالكم. . . مثل ما أنتو تتمنون أنكم تكونون أحد ثاني. . . ففي ناس ثانية تتمنى ان تكون أنتو. . .
خلنا نتذكر النعم اللي ربنا عطانا إياها ونشكره سبحانه عليها. . .
و تذكورا
[ ولئن شكرتم لازيدنكم ]
« MY SeNioR YeaR »
21F5D591مذكرات طالبة خريجة. . . B) قروب للكويتيين فقط. . . :$
http://5rejat-2011.blogspot.com/
يوم السبت 15-1-2011. . .
حاليا غايصة بنوتاتي. . . عندي فاينل غدا. . .وان شاء الله أقدم زين. . . (( بس أدعولي )). . .
قلتلكم من قبل عن رحلة النادي الطبي إلى كينيا. . .
وقلتلكم اني راح أبلغ اللي ما راح يروح مع الوفد عن الطريقة اللي يقدرون يساعدون الوفد فيها. . .
ولأن (( وفي ذلك فليتنافس المتنافسون )). . .
قررنا نسوي شيء عجيييب عشان نساعد كل المحتاجين بكينيا. . .
قررنا ان راح نتنافس في ما بينا (( الكليات )) عشان نيمع أكبر مبلغ من التبرعات للمحتاجين. . .
فتقسمنا إلى 4 افرقة. . .
1- طب مساعد (( عاش احنا ))
2- طب
3- صيدلة + أسنان
4- مستجدين مركز العلوم الطبية
والتنافس راح يبدأ من غدا الأحد إلى يوم الخميس 20-1-2011. . .
فاللي يحب يتبرع بأي مبلغ فاكو مسؤولة واكو مسؤول [ بالطب المساعد ] يقدر يقدم التبرع لهم. . .
المسؤولات :
1- رشا الحاتم
2- بسمة العتيبي
3- شيخة المير
شدوا حيلكم معانا (( الطب المساعد )) وبلغوا أهلكم وأصدقائكم. . .
ReMiNDeRz:
[ صنائع المعروف تقي مصارع السوء ]و
[ إتقوا النار ولو بشق تمرة ]
وشكرا. . .
« MY SeNioR YeaR » GRouP
21F5D591مذكرات طالبة خريجة. . . B) قروب للكويتيين فقط. . . :$
http://5rejat-2011.blogspot.com/
يوم الأربعاء 12-1-2010. . .
رحلة النادي الطبي - العجيب - إلى كينيا،،
تحت شعار،،
[ عطاء وعمل،،ليبقى الأمل،، ]
1- أول خطوة كانت طرح الفكرة،، والإعلان عنها،، والتسجيل،،
2- تسجيل الوفد،، وخدينا جوازاتهم وصورهم للفيزا،،
3- زيارة سفير كينيا،، وكانت الزيارة حدها عجيبة،، عرفت منها شيء وايد مهم،، ان لما نروح افريقيا ما راح يأكلونا الأسود ان شاء الله،، + ان السفير يقول ان افريقيا مو خطرة للدرجة اللي احنا متصورينها،، و ان الأيتام اللي هناك ما تهمهم الألعاب كثر ما يهمهم الأكل،،حدي استمتعت بالرحلة للسفير،،
4- اللقاء الأول،، يدعوكم النادي الطبي لحضور لقاء وفد مركز العلوم الطبية المشارك في حملة (عطاء وعمل ليبقى الأمل) مع سفير كينيا
غدا الخميس الساعة ٤ في مسرح مركز العلوم الطبية،،
البرنامج حداااااا عجييييييييب،،
أنزين مو كل الناس راح تروح،، بس هل تقدرون تقدمون شي؟!
تقدرون تقدمون أشياء،،
شلون؟!
راح أقولكم بعدين،،
« MY SeNioR YeaR » GRouP,,
21F5D591مذكرات طالبة خريجة. . . B) قروب للكويتيين فقط. . . :$
http://5rejat-2011.blogspot.com/
يوم الاثنين 10-1-2011. . .
أولا شكرا وايد لكل قروبي العجييب اللي دعالي لامتحاني. . .
الحمد لله خلصت فاينل المستشفى. . .
السؤال المحير شلون كان تقديمي؟!
للأسف الشديد كان امتحاني سيئ جدا. . . العملي تقديمي كان مستوى مستوى وحده ما تعرف شيء. . . والشفهي كان أغلب الأسئلة اللي إنسألتها كانت أجابتها (( مادري )). . .
العملي يولي حالتين. . .
أول وحده كانت حق الرقبة. . . والثانية كانت أشعة للصدر. . .
الحالتين المفروض أقل شيء سويتهم 50 مرة بالكورس. . . بس ليش بدعت الله أعلم. . .
هل لأني مو دارسة؟!
للأسف لا. . . لأن من صج أول مرة أدرس كل شيء. . .
اللي أعرفة ان الأعادة مرة وحده تكون مقبولة. . . أعادتين يمكن يمشونا. . .
للأسف أنا كان عندي 3. . .
اللي أتوقعه ان احتمال 85 % ان راح إتاخر بعد سنه. . .
بس الله أعلم. . .
وكله فيه الخير ان شاء الله. . .
« MY SeNioR YeaR » GRouP
21F5D591مذكرات طالبة خريجة. . . B) قروب للكويتيين فقط. . . :$
http://5rejat-2011.blogspot.com/
يوم الاثنين 10-1-2011. . .
الحين بدخل الغرفة. . .
أدعولي. . .
« MY SeNioR YeaR »
21F5D591مذكرات طالبة خريجة. . . B) قروب للكويتيين فقط. . . :$
http://5rejat-2011.blogspot.com/
