ريااااااال؟؟

 
 

يوم الثلاثاء 28-12-2010. . .
 لما الحين باقيلي 1000 شيء (( دراسي )) لازم أسويه عشان أسلمة يوم الخميس. . . الحمد الله خلصت ربورتين وباقيلي 998 شيء. . .
 المهم اليوم قعدت لما بالليل بالكلية عشان أدرس. . .
 و 12 ساعة بالكلية بين محاضرات ودراسة ودكاترة و واجبات وبحوث وعلة. . . فعشان ما أصير مينونة من الضغط لازم بين كل فترة والثانية اقعد مع رفيجاتي. . .
 المهم عالساعة 6 كنا 5 بنات تقريبا قاعدين و قاعدين نسولف ومشتطين بالسوالف. . . اللي تتحلطم على الدراسة واللي تمثل لنا الموقف اللي صارلها واللي تستهبل واللي واللي. . . المهم كنا مشتطين. . .
 وفجأة من مادري وين طلع لنا واحد من الطلبة مر يمنا و مادري وين راح. . .
 حده بط كبدي. . .
 الحين انت ريال و تدري ان احنا بنات قاعدين بهالمكان بروحنا. . . ما تعرف -تتنحنح - أو تطلع أي صوت عشان نعرف انك بتمر؟!
 التنحنح شنو أهوا؟!
 أهوا شيء ماكو أبسط منه. . . أهوا صوت يطلعه الرجل إذا بمر بمكان كله حريم عشان الحريم يعرفون ان في ريال بمر فاللي مو قاعدة عدل تعدل قعدتها واللي مو لابسة حجابها تلبسة. . .
 إذا منحرجين يا رجال ان تطلعون ال (( أحم احم )) سووا روحكم قاعدين تكلمون أحد بالتلفون أو قولوا أي كلمة. . .أما سالفة ان كل مرة نتفاجأ ان فجأة طالعين بويهنا مادري من وين. . . يعني يمكن أول مرة نقول ناسين والثانية نعذركم فيها أما الثالثة فهي تعتبر وقاحة وقلة أدب. . .
 ويلا عشانكم بعد بفضح شوي شيء كنت كلا أسمعه بالكلية. . .أكو ناس ((طلبة)) إذا انذكر اسمهم سيدة نسمع وراه (( وهذا عادينة ريال ))
Its because of the way they act,,(( u do the math elbajji ))
 دعوة مني إلى كل طلبة مركز العلوم الطبية (( وشباب العالم )). . . إذا حسيتوا ان في بنات قاعدين بروحهم بمكان فتنحنحوا أو طلعوا صوت عشان ما تطيحون من عين الناس. . .
 
 
« MY SeNioR YeaR »
21F5D591مذكرات طالبة خريجة. . . B) قروب للكويتيين فقط. . . :$
http://5rejat-2011.blogspot.com/