DR.LaiSH

يوم الثلاثاء 19-10-2010. . .

A woman needs a strong , independent man so he can lead her . . .

- dr. GaFFaR -


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$
www.5rejat-2011.blogspot.com

ليش يالصحة؟؟

يوم الاثنين 18-10-2010. . .

SiMPLY. . .

أكره الـــــــــــواسطـــــــــــــــــــات. . .

أكره شيء عندي الواسطات. . . ليش؟! لأن بالواسطة الانسان يأخذ شيء (( مكان )) ما يستحقة. . .

أكره الواسطات. . .

وخصوصا لما تمون بالصحة (( مستشفيات )). . .

المفروض الأولوية بالعلاج تكون لاشد الناس مرضا. . . هذا المفروض. . . بس للأسف الواقع شيء ثاني. . .

أنا كنت أدري ان أكو واسطات. بالصحة بس اللي اليوم شفتة كان شيء خيال. . .

(( أدري المستشفى راح يذبحوني على هالكلام. . . بس ما راح أسكت. . .))

السالفة :
اليوم دوامي بمستشفى . . . . . . . . أنا كنت مأخذة بريك فقعدت عند الاستقبال. . . يا ريال و قعد يكلم الموظفة قالها أبي موعد حق واحد حق أشعة فيها صبغة. . . وقالها أبيها شهر 11. . . قالتله شهر 11 ممتلئ. . .مأكو مكان تحطلة. . . قالها حاولي قالتله مأكو كل شيء مفول. . . قالتله تقدر تحطلة موعد آخر شهر 11 الساعة 12:30 ظهرا. . . لأن الساعة 12 يخلص الدوام و من الساعة 12 يسوون بس حق الطوارئ + أحد ثاني. . .

منو تتوقعون هالانسان؟!

توقعوا. . .

توقعكم صح! ! !


الشخص الثاني أهوا الانسان اللي عنده واسطة. . .

طبعا أنا ماصدقت اللي سمعته. . . سألت رفيجتي. . .تتوقعين من صجهم كاتبين ان للطوارئ + الواسطة؟! ردت علي: مادري. . .

قربت يم الورقة اللي معلقة على الطوفة. . .
ولا صج كاتبين ان من ال 12 يسوون للطوارئ والواسطة. . .


طبعا هني كنا أحد صكني طراق. . .

شلون يكتبون كذي؟!

أنا أسفة بس حتى لو أنتو ترضون أنكم تسوون واسطات. . . ما يصير تكتبيونه. . . لأن إذا كتبوا هالشي فيصير مثل انكم أقريتوا ان هالشي عادي. . .

نتمنى ان هالورقة تنشال. . . والمريض يعامل عدل. . . والأولوية بالعلاج تكون للأشد مرضا. . .

وبلا واسطات. . .بلا خرابيط. . .


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$
www.5rejat-2011.blogspot.com
 

الاقتصاد نصف المعيشة

يوم الاثنين 18-10-2010. . .
أمس نزلت المكافأة الاجتماعية لطلبة الجامعة (( 100 دينار. . .))
شكرا للائتلافية على أنها عممتها لكل الطلبة. . .

المهم. . .

أول ما نزلت المكافأة. . . توجه الكل إلى مكينة السحب الآلي لسحب المبلغ من 5 دنانير إلى 100 دينار. . .

من المواقف المضحكة. . . لما ما يبقى إلى أيام قليلة على نزول المكافأة. . . يبدأ الكل بالحنة متى تنزل الإهانة الجامعية (( الإعانة الجامعية )). . . أغلب الطلبة يسمونها إهانة. . . مع ان الواقع اللي أشوفة ان الطلبة إهما اللي قاعدين يهينون الإعانة. . .

أنا باعتقادي ان الطالب يقدر يعيش ب 100 دينار بالشهر. . .
! ! ! !

شلون؟!

إذا قسمها صح + حط بدائل للأشياء الغالية. . .

يعني يا طلبة مالا داعي كل يوم ستاربكس. . . إذا احتجتوا قهوة عشان تصحصحون فاشتروا أما على الصاعد والنازل تأخذون. . . كلش مالا داعي. . .

+ مو إلا كل شهر بدلة كاملة تشترونها (( حق اللي يدفعون حق ملابسهم بروحهم)) بعني شهر اشتروا قميص والشهر الثاني تنورة. . . و الشهر اللي وراة جنطة. . . وهكذا. . .
وترى مو عيب ولا حرام ان تلبسون البدلة مرتين بالشهر. . .

* طريقة للاقتصاد:
1- استقطاع ولو 5 دنانير شهريا لحساب ثاني. . .
2- حصالة تكون عندكم. . .بس مو اللي تنفتح. . . أكو حصالة ما تقدرون تطلعون اللي فيها إلا إذا كسرتوها. . . تلقونها بيوم البحار. . . حلو ان كل واحد يشتري وحده و ما يكسرها إلا بعد 6 أشهر أو أكثر. . .

لازم كل واحد يتعلم شلون يوفر فلوسه. . .

DaRe:
هالشهر راح أصرف بس 60 دينار ان شاء الله. . . وآخر الشهر راح أقولكم إذا قدرت أو لا. . .

PING Me eTHa U'll Do THe SaMe,,


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$
www.5rejat-2011.blogspot.com
 

oNe DoWN

(*) يوم السبت 16-10-2010. . . (*)

GueSS WHaT!!!!!
:/
حققت هدف من أهدافي هذه السنة. . .

(( الحمد لله. . . ))
:O
HeYaaaaaaa aNaa. . .
\=D/
تتوقعون شنو؟!


أقوووووووووول!!

هااااااا شنو توقعكم. . .


و أخيــــــــــــــــــــــــــــــراا. . .



كليـــــــــــــــــــــــــــــــــت أخطبـــــــــــــــــــــــــــــــــــــــــوط. . . :p

عــــاش أنــــــــــــا. . .
\=D/

سويت هدف من أهدافي. . .
CHeCK. . .

قروبي الحلو. . .
كتبتوا أهداف السنة؟!
اللي ماكتب يمديه يكتب و يبدي. . .
شدوا حيلكم. . .
;)

« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$
www.5rejat-2011.blogspot.com
 

اهدافي بعد الانتخابات

يوم الجمعة 15-10-2010. . .
بعد انتخاباتنا الحافلة. . . كنت محتاجة فترة نقاهه. . .اقعد فيها بهدوء عشان أصفي ذهني. . . و أعيد ترتب أولوياتي. . .
عشت هذه الفترة بالشالية. . .
الحمد لله استفدت وايد من الروحة. . .
وقدرت أرجع بأهداف واضحه أبي أحققها هذه السنة. . .
أهـــــــــــدافـــــــي:
* هدف إيماني : ختم القرآن. . .
* هدف بالعائلة: أصير أكثر فعالية بالعايلة. . .
* هدف اجتماعي: التعرف على 100 انسان + التأثير ب 50 على الأقل. . .
* هدف علمي: ترجمة تجربة طبية للغة العربية + أسوي بلوق طبي مختص بالأشعة + أسوي بحث واطلع الرقم اللي مو موجود بالكويت. . .
* عمل تطوعي: زيارة أسبوعية أو شهرية إلى دار الأيتام. . .
*هدف أهبل: SKY DiViNG. . .
* هدف أكلي: أكل أخطبوط. . .

اعتقد ان لازم كل انسان يكون له أهداف يومية و أسبوعية وشهرية وسنوية. . . و الشاطر اللي يبي صج يبي يستفسد من حياتة يحطلة خطة لخمس سنوات. . .
أنا حطيت لكم أهدافي. . .شيلوا أهدافي و حطوا أهدافكم. . . (( واللي يبي يقدر يدزلي إياها. . . ))
وكتبوها بورقة. . .و خلوها جدامكم. . . وكل أسبوع قيموا نفسكم. . . وشوفوا شكثر باقيلكم على تحقيق الهدف. . .

كتابة الأهداف طريقة مفيدة جدا لتحقيقها. . . (( عن تجربة ))

وبعد ما تحطون الخطة السنوية. . .تقدرون تجزؤونها إلى أشهر و بعدها إلى أسابيع و أيام. . .

يعني إذا أبي أختم القرآن بسنة فلازم على الأقل كل شهر أحفظ جزئين و نص. . . يعني بالأسبوع 12 وجه. . . يعني باليوم وجه ونص. . .

صدقوني إذا كتبتوا أهدافكم وأيد أشياء بحياتكم راح تحققونها. . .

« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$

انا مو جنطة

سالفة قديمة بس لازم أقولها. . .
يوم الأحد 11-10-2010. . .
رحت مجمع الصالحية (( مجمع حيل كشخة )). . . رحت اشتري هدية حق انسان عزيز علي. . .
الصراحة من زمان ما رحتلة. . . يعني من أكثر من خمس سنين. . .
اللي صار اني رحتلة و لابسة عباية و جنطة cross (( مو ماركة )) و جوتي رياضة puma. . .
أنا رايحة للمجمع أبي شيء معين. . . فكنت قاعدة أمشي بسرعة عشان أخلص شغلي و أمشي. . . بس الناس اللي هناك ما خلوني بحالي. . .طوول الوقت والكل يخزني. . . لأن صراحة شكلي كان غريب بين كل الناس اللي كاشخة. . .صج ضحكت على نفسي. . . لأن بهالمواقف ما أدري منو الصح أنا ولا الناس. . .

نرد على الجامعة. . .
كلمة لكل الطلبة اللي بالجامعات. . .

أنا مو جنطة. . .

شنو يعني؟!

يعني أنا انسانة لي مشاعري واحاسيسي وأفكاري. . .

يعني ما يصير تحكمون علي من جنطة أنا البسها. . . يعني هل إذا أنا لابسة جنطة ماركة فأنا شخصية مهمه. . .و إذا أنا لابسة جنطة عملية تريحني فأنا انسان فارغ وما ما عندي شخصية. . .

أهتمام غريب قاعدة أشوفة من الناس بالماركات. . .شيء يضيق الخلق ان نشوف شبابنا يهتم بهالاشياء ويترك الأشياء المهمة. . .

ترى والله مو عيب ان تلبسون شيء يريحكم. . . الغلط أنكم تلبسون شيء كلش مو مريح عشان غيركم. . .ترى الناس إذا بيتكلمون عن لبسكم فكلامهم ما راح يتكلمون عنكم إلا دقيقة و إذا كثروا 5 دقائق. . . أما إذا تكلموا عن إنجازاتكم فهذا اللي يبقى(( شهادة لكم يوم القيامة )). . .

خلنا نرتقي. . . نرتقي بتفكيرنا. . . نرتقي بطرحنا. . . ونرتقي بافعالنا. . .


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$

انتخابات الطب المساعد الجزء الثاني

تابع يوم انتخاباتنا. . .
فرحتنا بفوزنا كانت لا توصف. . .
لأول مرة بتاريج المنار نفوز 3 سنين متتالية. . .
الحمد لله الحمد لله الحمد لله. . .
(( هذا من فضل ربي )). . .

طلبة المنار كملوا تعبيرهم عن فرحتهم بالاناشيد الحماسية. . .

بس فجأة أخ كريم من الوسط ركض صوب التجمع وصرخ وســـــــــــــــــــــــط. . .
فبدوا الوسط ينشدون. . .
بس صوتهم ما قدر يعلى على صوت شباب المنار. . .
طالبات الوسط جدا استائوا من هالشي. . .
فجاءة . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
((ما راح أقول هالموقف ))

بعدها سمعنا صراخ طالبات قاعدين يصرخون (( لما حسوا أن طلبتهم ما بردوا كبدهم )) :
هيـــــــــــــــــــــــــا وسطيــــــــــــــــــــــة. . . هيا. . .
أنا أنصعقت. . .

تقدرون تقولون عني
معقدة و old fashion. . .
بس أنا اعتقد ان من الوقاحة و قلت الأدب ان بنت ترفع صوتها جدام الشباب. . .
فما بالكم باللي يصرخون. . .

قاعدين يم طلبة المنار ويصرخون:
- هيــــــــــــــــــــا وسطـــــــــــــــــــــــية. . .
- وســـــــــط وســـــــــط نعم نعم. . .

توقعت ان أحد من شباب الوسط بيي يسكتهم. . .
بس ردت فعل الشباب انهم بدوا ينشدون وياشرون على طالباتهم ويقولون: (( للمرأة حق و نضال و مساواة )). . .


كنت أتمنى اني أروح حق البنات واسكتهم بس خفت ان يزيدون. . .


بعيدا عن انتمائي لقائمتي. . .
اعتقد فعالا ان اللي صار كان قلت أدب من الطالبات. . . خصوصا لما يكون جدام الشباب. . .

شيء ثاني:
كنت أتمنى ان ريال من الوسط الديموقراطي يوقف ويسكت الطالبات لأن عيييب ان ترفع صوتها و تسوي حركات جدام الشباب. . .بس للأسف محد تحرك. . .


كنت أحاول أحد 1000 عذر عشان أقنع نفسي ان اللي سووه كان من أثر الصدمة. . .
بس الانسان يسوي حركة وحدة من الصدمة لدقيقة بعدين يحس انه غلط. . .
أما ان يستمرون نص ساعة بالصراخ والحركات فهذا ما نقبلة. . .

و استنكر وبشدة هذا الفعل المشين. . .

« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$

انتخابات الطب المساعد 2010

يوم الثلاثاء 12-10-2010. . .
يوم انتخاباتنا السعيد. . .
أمس ما قدرت أنام من كثر ما أحاتي. . .
أمس كل دقيقة توصلني مسج من عاملاتنا تدز مسج تذكير بفضل الاستغفار والدعاء وخصوصا في هذا الوقت. . .
قمنا من فجر الله. . . طلعنا الساعة --:- . . . وريت بنت خالتي و رحنا الكلية. . . صفطت سيارتي وعلقوا عليها بوسترات المنار الطبي. . .
دخلنا الكلية و رحنا مقر جمعيتنا. . .
اجتماعنا بدأ. . . قسمنا روحنا وتذكير بالتوكل على الله سبحانة. . . و بدينا شغل. . .
فتحت الصناديق @ 8. . .
الوضع استنفار. . . نحاول نخلي كل طالبة تصوت لنا. . .
وضع العاملات كان بين انهم يقنعون الطالبات ان يصوتون و بين اتصالات. . .
حوسة و لوية. . .
شغل وماكو وقت نقعد. . .
فلانة صوتت منار. . . (( الحمد لله ))
فلانة قالت بتصوت لنا بس صوتت وسط (( الحمد لله ))
صارت الساعة 2 و شكر الصندوق. . . اجتمعنا بقاعة و ذكرونا بالاستغفار. . .و ان سواء فوز أو خسارة فهو من الله سبحانة وتعالى ولازم نحمده على النعمة. . .
رحت لوبي الطب المساعد. . .بانتظار النتائج. . . الشباب كانوا قاعدين ينشدون. . . و احنا فوق. . . حسيت ان طولنا. . . الوقت قاعد يمر بطيء. . .الثانية كأنها ساعة. . .
فجأة. . .

سمعنا صرخة. . .

منو؟!

منار؟!
وسط؟!


سمعنا صرخة



منـــــــــــــــــــــــــــــــــــــــار!!

الحمد لله فزنا. . .

ما نسينا سجدة الشكر. . .
شكرا الهي على هذه النعمة. . . نعمة الفــــــــــوز. . .

طلبة المنار بدوا ينشدون. . . تعبيرا عن فرحتهم بالفوز. . . بس صار شيء كلس ما توقعناه. . .
شنو؟!
راح أقولكم بالبرودكاست الياي. . .


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$

STOP SMOKING

يوم الأحد 10-10-2010،،
أول عملية قسطرة أشوفها. . .
اللي فهمتا ان أهيا عملية يسونها عشان يوسعون الشرايين اللي بالقلب. . .
صج أنها عملية بسيطة بس لازم تقريبا كل سنة تسويها. . .+ ما تقدر تعيش بدون الشي اللي يحطونه بالشريان. . .
سألت الدكتور عن سبب هذا المرض. . . فقالي أكو أسباب وراثية (( فالأنسان ما يقدر يتحكم فيها )). . .
و أكو أسباب من الانسان نفسه. . . أهوا يسويها فتزيد عنده فرصة تعرضة لهذا المرض. . .
تدرون شنو هالشي؟!
التدخــــــــــــــــــــــين. . .
و الأخطر من التدخين الشيـــــــــــشة. . .
فياشبابنا الأفاضل. . . لازم تقررون من الحين ان تقطعون هالافة. . . لأن أضرارها وأيد وأيد وأيد. . .
والى الآن ما لقيتلها ولا منفعة. . .
قرروا من الحين و روحوا حق المراكز و العيادات المتخصصة بعلاج إدمان التدخين. . .

ترى مو عيب ان تروحون حق أحد يساعدكم عشان تقطعون التدخين. . .
العيب (( الخطأ )) أنكم تستمرون على التدخين و تضرون نفسكم. . . و تتلفون جسمكم. . .


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$

الى عقلاء الوسط الديموقراطي

يوم الخميس 07-10-2010. . .
انتخاباتنا ان شاء الله يوم الثلاثاء فما بقى شيء. . .
الجو جدا مشحون بيننا (( الائتلافية )) وبين الوسط الديموقراطي. . .
حضور مو طبيعي عند المستجدين الصبح. . .الكل يحاول يقنع المستجد ان يصوتلة. . .
كل يوم كل قائمة تطلع اللي عندها عشان تقنع الطلبة. . .
الانتخابات فيها وأيد أشياء. . . فيها ان كل قائمة تتكلم عن نفسها. . . + أكو مثل ضربات تنشرها القائمة ضد الخصم عشان تكسب أصوات. . . أكو ضربات نظيفة و أكو أشياء -----. . .
اللي صار بكليتنا ان أكو طالب انشق من قائمة الوسط و صار مع قائمة المنار الطبي. . .
فألوسط هاجموا الولد وشككوا بإخلاقة وسمعته. . . يقولون ان إلاخ طاردينة من الوسط لأن أساء للطالبات (( تحرش )). . .


رسالة إلى عقلاء قائمة الوسط الديموقراطي:
بعيدا عن مصالح الجميع يبقى الوطن ونبقى أبناء الوطن الواحد. . .نبقى أخوان لا ننسى هذا الشي. . .
لا ننسى الأخلاق والقيم والمباديء التي تربينا عليها. . .
وطننا ينتظر منا وأيد أشياء. . .
بالأمس كنا زملاء في القاعات الدراسية. . . و بالغد نحن زملاء عمل. . . لا نرضى الإساءة لنا ولا نرضاها لكم. . .
سواء من الوسط أو المنار. . .
إذا كانت هذه الأساليب الهابطة (( أهيا أكثر من هابطة بس ماقدر أعبر أكثر. . . )) هي وسيلة للفوز. . .
فأنتوا غلطانين. . .

نعتذر. . . (( أنا اعتذر))
بس ما نقدر ننافسكم بهذا الشي...الحمد لله احنا نتنافس بقيمنا و أخلاقنا. . . وما نرضى ان نتنافس معاكم بغير هالشي،،

واتمنى ان لوية الانتخابات ما تنسيكم ان احنا قاعدين نشتغل عشان الوطن و عشان مصلحة الطالب. . .

¤ أحبب حبيبك هونا ما عسى ان يكون بغيضك يوما ما. . .
وأبغض بغيضك هونا ما عسى ان يكون حبيبك يوما ما. . . ¤

« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$
 

طلبتكم ياللي بتسوون اشعة

يوم الأربعاء 06-10-2010. . .
أحلى شيء دوام الميداني (( خصوصا قسم الحوادث )). . .
اليوم سويت وأيد حالات استمتعت فيها. . .
أحلى شيء سويتة أشعة حق ركبة وحدة عمرها 6 سنوات. . . صج كانت عجيبة الحمد لله. . .

بس أكثر شيء اثر فيني. . . شيء صار مع مريض اسمه (( أ )). . .
كطالبة متدربة ما يصير أرفض أي حالة تيلي. . . سواء كانت مرآة أو رجل. . .هذا قانون عندنا. . .
المهم يا المريض (( أ )). . . يبي يسوي أشعة للصدر. . .
الدكتور طلب مني أني أسويلة إلاشعة. . . فدخلت المريض غرفة إلاشعة و قلتلة شلون راح نسوي. . .
فقالي ممكن دكتور. . .
رديت عليه ان ان شاء الله بس نخلص أشعة يروح حق الدكتور. . . قالي: قصدي ممكن دكتور ريال!!

طبعا أنا نقص ويهي و انحرجت. . . رحت حق الدكتور و قلتله. . . فراح و سواله ألاشعة لأن إذا المريض طلب ريال ما يصير أسويلة إلاشعة. . .
طلب المريض صج انه أحرجني. . . بس استأنست وايد. . .لأن الشي أنا ما أبي أسوي. . .بس ما أقدر أرفض. . .
يليت الكل يصير مثلة. . .
شبابنا إذا بتسوون أشعة ولا عليكم أمر طلبوا ان ريال يسويلكم. . . لأن هالشي يسبب لنا إحراج كبير بس للاسف مو بيدنا نرفض. . .


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$

انتخابات اتحاد جامعة الكويت 2010

يوم الاثنين 04-10-2010
أمس كانت آخر انتخابات لي للاتحاد (( ان شاء الله))
الحمد لله عشت كل لحظة فيها. . . استمتعت في قعدتي من فير الله. . . استمتعت في طلعتي المبكرة (( ما راح أقول الساعة كم. . . )). . . استمتعت في وقفتي في الكلاسات. . . استمتعت في تصويتي لقائمتي الائتلافية الحبيبة. . . استمتعت في انتظار الصندوق. . . استمتعت بالفرز. . . و استمتعت بالفوووووووووز بالاتحاد و بأغلب الكليات. . .

عشت كل لحظة في التصويت. . . وأنا ماسكة القلم و أصوت للقائمة الائتلافية خنقتني العبرة. . . و تمنيت ان الصح ما ينتهي عشان ما يخلص تصويتي. . .

أحلى لحظات كانت لحظات الفرز. . . عشت كل لحظة. . . أشوف من حولي وأيد طالبات ما بين سؤالف و ضحك و صراخ. . . بس بالمقابل سعدت بمشاهدة عدد صغير من الطالبات من بين كل الناس كانوا كل ما طلع صندوق تشوفهم يسجدون لله سبحانه حمدا و شكرا. . . و سعادتهم كلها عبروا فيها بكلمة وحدة (( الحمد لله ))

اللهم ربي لك الحمد على فوز و اكتساح القائمة الائتلافية. . .
8193 صوت ما يت بس من عملنا. . .
(( و لينصرن الله من ينصره. . . ))

شكرا لكل من صوت بالانتخابات عامة. . .
و شكر خاص لكل من صوت للقائمة الائتلافية . . .


« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$

الواسطة بالصحة - للاسف

يوم الاثنين 27-09-2010. . .
اختصار لدوامي اليوم في المستشفى الداثر. . .

يالي مريض يبي نسويلة أشعة للصدر. . . تاريخ المريض: مرض السرطان. . . و قاعد يعالجة بالكيماوي. . .
قعدت أتامل المريض. . .اللي عجبني فيه انه على ان الله سبحانه وتعالى ابتلاه بالمرض الخبيث إلا ان أهوا صابر. . . و مو مكتئب. . . بالعكس. . . انصدمت من روحه المرحة ما شاء الله. . .
(( ليبلوني أاشكر أم أكفر. . .))

موقف ثاني صار اليوم. . .
يالنا مريض يبي يسوي أشعة لكتفة. . . فالدكتور قالي سويلة الأشعة بدون لا يعطيني طلب الأشعة. . . فبعد ما سويت إلاشعة
I asked the dr where is the request
The dr said there is no request
He comes with wasta,,
بسنا واسطات. . .
ناس بتموت و بس تحتاج تسوي MRI عشان تعالج من الشلل برة الديرة و ما تعطونهم موعد إلا بعد شهرين. . . و ناس ما فيهم شيء يطلبون موعد MRI و تقولون لهم تقدرون تيون خلال ساعة. . .
والله ما يصير. . .
بسكم واسطات. . .

« 7AYATTII »
21F5D591
مذكرات طالبة خريجة. . . B)
قروب للكويتيين فقط. . . :$

اهداف

يوم السبت 25-06-2010. . .
غدا ان شاء الله أول يوم دوام بالجامعات والمدارس. . .
أخيرا. . . بعد 3 أشهر عطلة راح تداومون. . .

سنة جديدة. . . أهداف جديدة. . . وطموحات معلقة بالثريا. . .

كل واحد فينا لازم يكتب أهدافه لهذه السنة. . .
(( طبعا غير فوز القائمة الائتلافية. . . ))

من أهدافي لهذه السنة:
1- التخرج. . .
2- أرفع معدلي. . .
3- أتعرف على الأقل على 100 وحده. . .
4- أسوي أحسن بحث مر على كليتنا. . .
5- أصير ممتازة بالكلينيكال. . .
6- أروح على الأقل دورة تدريبية. . .
7- أتطوع في دار الأيتام (( يوم في الاسبوع على الأقل)). . .
8- احظر كل انتخابات الكليات (( ونكون فازين فيهم كلهم ان شاء الله. . . ))
9- أسوي معرض كتاب بالأفنيوز. . .
10- أسامح الكل و الكل و الكل. . .

« 7AYATTII »
21F5D591
مذكرات طالبة خريجة. . .
قروب للكويتيين فقط. . .

مستجدينا الحلوين

يوم الأربعاء 22-09-2010. . .
أول يوم دوام مستجدين كلية العلوم الطبية المساعدة. . .
الصراحة كان الوضع استنفار. . .
تواجد واضح لقائمة المنار الطبي و قائمة الوسط الديمقراطي. . . الكل يحاول يضبط المستجدين و يساعدهم. . . بعض القوائم يكون هدفها من هذا الشي ان تساعد المستجدين و بعضهم (( له مأرب أخرى. . . ))
الصراحة متعتي في هذا اليوم اني أيي و أشوف وجوه الطلبة المستجدين. . .ناس بريئة محد قلب مخهم إلا الآن. . .

أحلى فترة بالجامعة أهيا » الانتخابات «. . . نستعد لها سنة كاملة. . . و بعدها أما فوز أو خسارة. . .
و سواء فوز أو خسارة نحمد الله سبحانه وتعالى. . . و نذكر نفسنا ان أهم شيء خدمة الطالب. . .

من الأمور المضحكة اللي سمعتها بهاليوم :
الوسط الديموقراطي يقول:
(( الإنجازات كلها تتم من العميد. . . و مأكو ولا جمعية لها شغل فيها ))

ما بقى شيء على الانتخابات. . .
~ أدعولنا. . . ~

كلمة للقوايم الطلابية كلها. . .
نتمنى ان شعار (( الانتخابات يوم و زمالتنا دوم. . .)) ان يتطبق ضج في هذه الانتخابات. . .
« 7AYATTII »
PIN:21F5D591
مذكرات طالبة خريجة. . .
قروب للكويتيين فقط. . .

وهديناه النجدين

يوم الأحد 19- 9-2010. . .
أول يوم لي بالجامعة كطالبة خريجة (( بإذن الله)). . .
خامس سنة لي بالجامعة. . .
إلى الآن استمتع في أول يوم اني أشوف تغير الطلبة في كل سنة. . .
إلى اليوم كل ما أيي هاليوم أذكر أول سنة لي بالجامعة. . .
كنا مجموعة رفيجات. . . عندنا ان الجامعة للدراسة وبس. . . فكنا ما نهتم وأيد بالماركات واللس. . .المهم نلبس شيء مريح وغير ملفت و بدون مكياج. . .و كلنا كنا متفقين ان الاختلاط بالجامعة ماله داعي. . . و ان لازم يكون مالنا أي علاقة مع الطلبة ((الذكور)). . .
بس للأسف انصدمت في أول يوم لي من سنة ثانية. . .شفت نفس الناس بس بشكل ثاني. . .لبس ماكانوا يلبسونه من قبل و مكياج. . . و تغيرت فكرتهم عن الاختلاط وصار زمالة. . .
حسافة عليكم. . .

بس بالمقابل في بنات أعرفهم من سنة أولى إلى ان تخرجوا و إهما نفسهم. . . و بالعكس الجامعة خلتهم يصيرون أحسن. . .صاروا ناس عجيبين. . . ناس قيادية. . . ناس تترك بصمة في كل مكان. . .

بالنهاية. . . الجامعة هي مدرسة للدراسة العلمية و العملية. . . فيها تجارب عجيبة نمر فيها. . . مرينا بمواقف زينة و مواقف سيئة. . . بس الحمد لله كلها بنت شخصيتنا. . .

نصيحة:
(( الصحبة الصالحة. . . ))
« 7AYATTII »
21F5D591

الا المتقين

يوم الخميس 16-09-2010 . . .

اليوم برنامجي:
1- رحت الكلية المفروض أدرس بس كالعادة ما قدرت. . . بالي كان وأيد مشغول بوايد أشياء أبي أسويها قبل لا أموت. . .
2- بعد الفطور. . . مريت رفيجتي و رحنا جمعية الروضة شرينا هدية حق وحدة والدة و رحنا الاستقبال. . .
3- بعد الاستقبال رحنا مطعم قيصر اللي بحولي بارك. . . طلبنا. . . و قعدنا نسولف. . . أحلى ما في قعدتنا أنها مريحة. . . ليش ! ! ! لأن ما فيها حش. . . كلها سوالف صارت لنا أو مناقشات لاشياء بالكويت. . . قعدة حلوة ومريحة لأن كل وحده فينا مأخذة راحتها. . .
أحلى شيء بصديقاتي. . . اني متأكدة ان حتى لو اختلفنا و تهاوشنا. . .إذا احتجتهم راح ينسون خلافاتنا و يساعدوني. . .ليش! ! ! لأن حبهم لي مو بس عشانهم. . . حتى عشاني. . .يبون مصلحتي. . . ويبون لي الخير. . .
الحمد لله يا ربي على الصحبة الصالحة. . .

« 7AYATTII »
PIN:21F5D591