NeW YeaR

يوم الجمعة 31-12-2010. . .
 مابقى شيء على بداية السنة الجديدة!!
 حدي مستانسة. . .
 ليش؟!
 تتوقعون أبي احتفل؟!
 حده لا. . .
 بس أحب الانتقال من مكان إلى مكان. . . أو من زمان إلى زمان. . . مثل الانتقال من حدود دولة إلى أخرى. . . أو من عمر إلى عمر. . . أو من سنة 2010 إلى 2011. . .
 أحب اقعد أراجع شنو سويت السنة اللي فاتت من إنجازات. . . أحب اتذكر كل الناس اللي مروا علي. . . أحب أشوف شنو ضافت السنة لشخصيتي. . .الحمد لله السنة اللي فاتت سويت فيها وايد أشياء. . . صج اني ما حققت كل أهدافي بس ان شاء الله هالسنة راح أحقق كل شيء . . .
 في أشياء كنت أتمنى اني أكون حققتها بهالوقت. . . بس الحمد لله على كل حال. . .
 أشياء أحب أسويها بهالوقت. . . اني اكتب أهدافي للسنة الياية. . . لأن الأهداف المعلنة المكتوبة أفضل من الأشياء الغير مكتوبة. . .
 كل انسان لازم يكتب أهدافة. . . وأهدافة لازم تكون بعدة جوانب. . . يعني أهداف دينية وأهداف دراسية وأهداف دنيوية وأهداف كل شيء . . .
 من الأشياء اللي صج ودي تحققها هالسنة:
» إني أحافظ على صلاة الشفع والوتر وما أخليها «
 ولازم بعد ما نكتب كل الأهداف احطلي جدول بشلون أحققها. . .
 
 وفي شيء أتمناه من كل قلبي. . .
 ان كل انسان كان مقرر ان يحتفل بقدوم السنة اليديدة ان يوقف و ما يحتفل لأن شرعا ما يجوز. . .
 قعدوا بروحكم أو قعدوا مع أهلكم شووا كستنة أو أي شيء بس لا تحتفلون. . . و تذكروا :
[ من ترك شيئا لله. . . عوضه الله خيرا منه. . . ]
 
 
« MY SeNioR YeaR »
21F5D591مذكرات طالبة خريجة. . . B) قروب للكويتيين فقط. . . :$
http://5rejat-2011.blogspot.com/