يوم السبت 27-11-2010. . .
اعتذر ما كتبت بالايام اللي طافت بس كنت محتاجة شوي فترة نقاهه بعد أمتحاناتي العجيبة. . .
كل انسان تواجهه مشاكل كل يوم. . . سواء مع الأهل أو مع الأصدقاء أو بالدوام أو بالدراسة. . .
والله سبحانه وتعالى من لطفه حط حق كل انسان المشاكل اللي أهوا يقدر يواجهها. . .
يعني المشاكل اللي أنا أواجهها أختي ما تقدر عليها. . . و المشاكل اللي أختي تواجهها أنا ما أقدر أواجهها. . .
أنزين صارتلي مشكلة شنو لازم أسوي؟!
أتأزم وابكي وما أكلم أحد؟! و اقعد بروحي إلى ان تنحل؟!
أكيييييييد لا. . .
أولا لازم كلنا نحط ببالنا ان حتى أقرب صديقاتنا مو كل مرة يكون لهم خلق ان يسمعون مشاكلنا. . . الوحيييييد اللي بأي وقت تقدرين تقوليله عن مشاكلك هو الله سبحانه. . .
شعور غيييييير لما تخاطبينة. . .
الشخص الثاني اللي تقدرون تقولوله مشاكلكم بعد الله تعالى أهيا الوالدة الحنون. . . لأن صدقوني مهما كان بينكم ومهما صارت بينكم من نجرة و هواش بالنهاية. . . انتي عندها أغلى انسان. . . وتهمها مصلحتك. . .
بعد الأم تيي الصديقة أو الأخت. . . بس مو أي وحده. . . لازم تتأكدون قبل لا تقولون مشاكلكم حق صديقاتكم ان هذه الانسانه ثقة. . . يعني لو مهما يصير بينكم ما راح تروح باكر و تنشر اللي قلتيلها أياه عند الناس. . .
الله - الأم - الصديقة/ الأخت. . .
الترتيب يمكن يختلف على حسب المشكلة وعلى حسب المزاج. . .
« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/
No comments:
Post a Comment