تاريخ بوقتادة وبونبيل

 من الاشياء اللي كتبتها وجدا اعتز فيها..

كتبت هالمقال بعد ما شفنا الاخرابيط اللي عرضوها قناة الوطن في رمضان في برنامج بوقتادة وبونبيل

بدايتة كانت رسومات كرتونية سياسية نلقاها كل يوم في الصفحة الأخيرة من جريدة الوطن الكويتية،كان الهدف منها -باعتقادي-(( نحسن الظن ))،،انه كان توعوي،،يعني كانوا يحاولون يوصلون المواقف السياسية إلى الفئة العامة من المجتمع

 

و نتكلم بصورة حيادية،، الصراحة لقيت أشياء نادرة مفيدة،،قدروا من خلالها يوصلون أشياء إلى المجتمع الكويتي،،
بعدها تطوروا إلى مسلسل كرتوني يعرض يوميا في رمضان،،في البداية حاولوا يعرضون أشياء واقعية من المجتمع الكويتي بس هم كان مبالغ فيها،،أشياء شفناها مضحكة بس كانت مو مفيدة لأن ماكو عرض للحلول،،
الشخصيات:
بوقتادة: هو الانسان الإرهابي الملتزم بالدين (( اللي يمثل الدين))،،اللي يبيع وطنه عشان مصلحته
 بو نبيل: انسان لبيرالي ضد الدين،،مأخذ راحته على الآخر،، وهم يبيع وطنه عشان مصلحته

 بو مشعل: انسان يمثل القبائل بالمجتمع،، اللي أعرفة ان كل سوالفة فزعات،،وهم يبيع وطنة عشان مصلحته

سكتنا،، وقلنا أكيد مو قصدهم شيء،،بس أصروا ان يستخفون بعقول المجتمع الكويتي،،
و بعد الحلقات اللي عرضوها هاالسنة،،الصراحة طالت و تشمخت،،
صار الواضح ان الهدف الأساسي للكاتب -وأعيد الكاتب- هو شق الصف الكويتي،،لأن اللي نلاحظة ان بدوا يتكلمون أكثر عن الطائفية والتركيز على اختلافات الكويتيين بدل لا يركزون على الأفكار المشتركة،،واللي تهمه الكويت ما يرضى ان يمثلها الكويت بهذه الصورة الخائسة،،
كلمة للكاتب الموقر،،
احنا مجموعة من الشباب الكويتي الغيور على وطنة،،وما نرضا أحد يفرقنا،،
وعشان جذي بدينا هذه الحملة،،
و اللي نبي من الكاتب والقناة ،،
ان يوقف هذه التفاهه في العرض،،والرقي و تمثيل فئات المجتمع الكويتي بصورة صحيحة،،
احنا نفتخر ان المجتمع الكويتي هو مجتمع يضم جميع فئات المجتمع ،،
يضم الإسلامي و الليبرالي وكل فئة بالمجتمع،،وما نرضى ان أي أحد يفرق بينا،،