يوم الاثنين 29-11-2010. . .
مستشفى الفروانية. . .
هدوء وماكو وايد مرضى الحمد لله. . .
بس يا د. جفار و عفسنا. . . خلانا نسوي أشعة حق كل الناس. . . هالدكتور حده عجيييييييب ما شاء الله. . . لأن واحد من الدكاترة القليلين اللي يهمهم ان الطالب يفهم. . .
المهم. . . خلصوا المرضى والدكتور راح الكلية. . .
فقعدنا نسولف. . .
يعني بنات عن شنو بسولفون؟!
تتوقعون سيارات؟! مبارات؟!
أكيد لا. . .
اللي معاي قعدوا يتكلمون عن الملابس و المكياج. . .
وكل وحده تقول شكر عندها من ملابس. . . وحده تقول أهيا عندها على الأقل 40 جوتي. . . و عندها كم جوتي (( نفس الماركة نفس الشكل )) بس مأخذه منا كذا لون. . . الثانية عندها 8 كبتات كلها ملابس ومو مكفيتها تحتاج زيادة. . . هذه غير بدلات السهره اللي مادري وين حاطتهم. . .وهم تحتاج زيادة مع العلم ان في عندها بدلات وأيد ما لبستهم ولا مرة. . .
كسروا خاطري البنات و كسروا خاطري أهاليهم. . .
سؤال. . .
هل راح يصير فيني شيء إذا كان عندي بس الملابس اللي احتاجها + 10 زيادة؟!
هل راح تقل سعادتي؟! هل راح أحقق أحلامي بالحياة؟!
الحمد لله هذه الأشياء ما تستهويني وأيد. . .
أكيد أحب البش و اكشخ و استأنس. . . بس لازم يكون بالمعقول. . .
ولازم بين فترة و الثانية أصفي الكبت. . .شنو يعني؟!
يعني بين كل فترة والثانية لازم أشوف شنو الملابس اللي ما احتاجها أو اللي صغرت علي أو ماحب البسها. . .و اتصدق فيها على غيري من الناس المحتاجة. . .
و ترى مو غلط ولا عيب ان لما أروح السوق يكون عندي لسته بالأشياء اللي احتاجها. . .
مثلا. . .
احتاج بدي أسود حق البدلة الفلانية و جوتي حق البدلة و اللي أهوا. . .
بشنو راح تفيدنا هذه اللسته؟!
في ان احنا نقلل مصاريفنا الوايد الوايد وايد اللي نقطها على السوق والخرابيط. . .
حديث [ إن الله كره لكم ثلاثا ، قيل وقال وكثرة السؤال وإضاعة المال ]
حافظوا على فلوسكم. . . و صرفوها بعقلانية!!
و استانسوا بحياتكم. . .
« MY SeNioR YeaR »
21F5D591
مذكرات طالبة خريجة. . . B)
قروب للكويتيين فقط. . . :$
http://5rejat-2011.blogspot.com/
No comments:
Post a Comment